இன்று நான் உங்களோடு ஒரு ஜாமக்கோள் சம்பந்தமான பிரசன்னத்தை பகிர்ந்து கொள்ளப் போகிறேன். இது கேள்வி கேட்காமல் ஜாதகம் பார்க்க வந்த போது அமைந்த பிரசன்னம்.

பெரும்பாலானவர்கள் ஜாதகத்தை கொடுத்து விட்டு கேள்விகள் எதுவும் கேட்காமல் அமைதியாக அமர்ந்து விடுவார்கள். அவர்களின் ஜாதகத்தை கணித்து அவருக்கு எதிர்கால பலன்களோடு சேர்ந்து தற்காலத்தில் இருக்கக்கூடிய பிரச்சனைகளை முன்னிறுத்தி சொல்ல வேண்டும்.

இது அனைத்து ஜோதிடருக்கும் ஒரு சவாலான விஷயம். ஆனால் எனக்கு ஜாமக்கோள் பிரசன்னம் இருப்பதால் என்னால் அதை எளிமையாக செய்து முடிக்க முடிகிறது. அதைப் பற்றித்தான் இந்த உதாரண பிரசன்னத்தின் மூலம் பார்க்கப் போகிறோம்.

விருச்சக உதயம், உதயத்தை நோக்கி குரு வருகிறார் ,உதயாதிபதி இரண்டாவது வீட்டில் இருக்கிறார். ஆருடம் உதயத்தில் இருக்கிறது, கவிப்பு ஆறாம் பாவத்தில் இருக்கிறார், கவிப்பு பாம்பை கவிக்கிறார்,

இங்கு உதயத்தை நோக்கி குரு வருவதால் பணம் சார்ந்த பிரச்சனையாக இருக்கலாம், ஆறில் கவிப்பு இருப்பதால் கடன் பிரச்சினையாக இருக்க வாய்ப்புண்டு. அதுவும் பாம்பை தவிப்பதால் பெரிய கடன் பிரச்சினையாக இருக்க வாய்ப்புண்டு. குருவும் செவ்வாயும் இங்கு பிரசன்ன நேரத்தில் பரிவர்த்தனை. ஆக பணம் கடன் இடம் மாற்றம் சம்பந்தமான கேள்வியாக தான் இருக்கும் என்று முடிவு செய்து அவர்களிடம் தற்பொழுது உங்களுக்கு ஏதாவது கடன் அதிகமாக உள்ளதா. அதற்காக வீடு மாற்றம் அல்லது விற்பனை சிந்தனையில் உள்ளீர்களா என்று நாம் கூறினோம்.

அதற்கு அவர்களின் பதில் ஆம் எங்களுக்கு இப்பொழுது மிகப் பெரிய பிரச்சனை கடன் எங்களால் வட்டி கட்ட முடியவில்லை. நாங்கள் இப்பொழுது யாருக்கும் பணம் திருப்பி தர முடியாத நிலையில் உள்ளோம். அதற்காக நாங்கள் வீட்டை போக்கியது கொடுத்துவிட்டு நாங்கள் வேறு வாடகை வீட்டுக்கு செல்லலாம் என்று இருக்கிறோம். தற்பொழுது வீட்டை விற்று விட்டால் கடன் முழுமையாக தீர்ந்துவிடும். ஆனால் எங்களுக்கு வேறு எந்த சோர்ஸ்சும் இல்லாததால் தற்பொழுது விற்கும் சிந்தனை இல்லை. வீட்டை விட்டு மாறி வேறு வாடகை வீட்டிற்கு செல்லும் சிந்தனை உண்டு.

இங்கு வீடு மாற்றம் என்பதை பரிவர்த்தனை கோள்கள் நமக்கு சுட்டிக்காட்டுகிறது.

ஆக ஜாமக்கோள் பிரசன்னம் ஜோதிடருக்கு தற்போது வாடிக்கையாளரின் தலையாயப் பிரச்சினையை நமக்கு எளிமையாக சுட்டிக்காட்டி விடுகிறது. இதனால் ஜோதிடருக்கு பலன் சொல்வது எளிமையாகி விடுகிறது. இதனால் ஜாமக்கோள் பிரசன்னம் பயன்படுத்தும் நான் ஜோதிடம் பார்ப்பதில் எளிமையாக்கப்பட்டுள்ளேன்.

நன்றி இந்தக் கலைக்கு.

SELVAM ASTROLOGER COIMBATORE
CALL WHATSAPP NU 9842780218