ஜாமக்கோள் பிரசன்னம் உதாரண விளக்கம் 63
கேள்வி ?
எனக்கு பாத்தியப்பட்ட சொத்துக்களை பிரித்து தருமாறு கோர்ட்டில் வழக்கு தொடுத்திருந்தேன். வழக்கிலும் வெற்றி அடைந்து விட்டேன் எனக்கு சம்பந்தப்பட்ட சொத்துக்களை அரசு அதிகாரிகள் அளந்து என்னிடம் ஒப்படைக்க வேண்டும். இதற்காக இரண்டு முறை வந்து எனது உறவினர்கள் தடுத்து விட்டதால் நடைபெறவில்லை. இந்த முறை அரசு அதிகாரிகள் வருவதாக கூறியுள்ளார்கள் இந்த முறை எனக்கு நிலம் அளந்து என்னிடம் ஒப்படைத்து விடுவார்களா?
பதில்
கீழே கொடுக்கப்பட்டுள்ள சார்ட்டின் அடிப்படையில் மீன உதயமாக வருகிறது உதயம் உபய உதயமாக உள்ளது எப்பொழுதுமே உபய உதயம் வரும்பொழுது சம்பவங்கள் ஒரு முறை நடந்தேறுவதில்லை.
உதயத்தை நோக்கி நீச்ச புதன் வருகிறது (பிரசன்னத்தில் உச்சம் நீச்சம் எடுத்துக் கொள்ள வேண்டும்). 4 அதிபதியாகவே புதன் உள்ளது அவரும் உதயத்தோடு தொடர்பு கொள்கிறார் நீச்சமாக தொடர்பு கொள்கிறார். உதயத்தோடு 4 அதிபதி தொடர்பு கொண்டால் அவருக்கு அன்று சம்பவம் நடக்க வாய்ப்புண்டு.
ஏனென்றால் அவரின் கேள்வி அவருக்கு பாத்தியப்பட்ட நிலம் அரசாங்க அதிகாரிகள் மூலம் அளந்து அவரிடம் ஒப்படைக்க வேண்டியது தான் அவரின் கேள்வி. 4 அதிபதியே உதயத்தை நோக்கி வருவதால் நிலம் அவரிடம் ஒப்படைக்க வேண்டும் என்பதே இங்கு பிரசன்னத்தின் சுட்டிக்காட்டுகிறது.
உதயாதிபதி இரண்டாவது வீட்டில் உள்ளது கவிப்பில் இல்லை உதயாதிபதி நீச்சமாகவும் இல்லை .எனவே சம்பவம் நடக்க வாய்ப்புண்டு.
ஆருடம் பனிரெண்டாம் பாவத்தை சுட்டிக் காட்டுகிறது. ஆருடம் பன்னிரண்டாம் பாவத்தை தொடர்பு கொண்டால் ரகசிய சதி திட்டங்கள் ரகசிய நடவடிக்கைகள் ஏற்பட வாய்ப்பு உண்டு.
நிலத்தைக் குறிக்கும் நான்காம் பாவத்தில் செவ்வாய் உள்ளார் அதுவும் தீமையாக இல்லை. நான்காம் பாவத்தில் செவ்வாய் இருப்பது நிலம் கையகப்படுத்தும் பொழுது செவ்வாய் உறவினர்களால் வாக்குவாதம் சண்டைகள் ஏற்பட வாய்ப்புகளை உண்டாக்கும்.
சூரியன் கவிப்பில் இருப்பது ஐந்தாம் பாவம் கவிப்பில் இருப்பது இவரின் பாரம்பரிய சொத்தையும் சேர்த்து குறிக்கிறது.
மேற்படி விஷயங்களை ஆய்வு செய்யும் பொழுது உதயத்தை நோக்கி நீச்ச புதனாக வருவதும் 12ல் ஆருடம் இருப்பதும் நான்காம் பாவத்தில் செவ்வாய் இருப்பதும் சூரியன் கவிப்பில் இருப்பதும் அதிகாரிகள் வருவார்கள் அளக்க முயற்சி நடக்கும் செவ்வாய் நான்காம் பாவத்தில் இருப்பதால் தகராறு நடக்கும் அரசு அதிகாரிகள் மேற்கொண்டு செயல்களை செய்யாமல் அளந்து தராமல் போய்விடுவார்கள் என்பதே பிரசன்னத்தின் பதில்.
நடந்த நிகழ்வு
அரசு அதிகாரிகளும் போலீஸ் காவல் அதிகாரிகளும் அனைவரும் வந்து நிலத்தை அளக்க முயற்சி செய்தார்கள் அவரின் சகோதரன் தகராறு செய்து தற்கொலைக்கு முயற்சி செய்து போலீஸ் துறையினரும் அரசு அதிகாரிகளும் பயந்து அன்று அவரிடம் அளந்து ஒப்படைக்கவில்லை.
போலீஸ் அதிகாரிகள் எங்களிடம் போதிய காவல்துறையினர் இல்லாத காலத்தினால் எங்களால் உங்களுக்கு முழுமையான பாதுகாப்பு தர இயலாது என்று கூறிவிட்டார்கள். வேறு ஒரு நாளில் பார்த்துக் கொள்ளலாம் இன்று எங்களால் முடியாது என்று அதிகாரிகளும் சென்று விட்டார்கள்.
உதயத்தை நோக்கி 4 பாவாதிபதி வந்தது வருவார்கள் என்பதை கூறுகிறது. சூரியன் கவிப்பில் இருப்பது வந்த பின்பு சம்பவம் முழுமை அடையாது என்பதை கூறுகிறது. இப்படி பிரசன்னத்தில் அனைத்து சம்பவங்களையும் ஜாமக்கோள் பிரசன்னம் நமக்கு மிக எளிமையாக சுட்டிக்காட்டும்.
Selvam astrologer Coimbatore
Call WhatsApp number 9842780218
வரும் அக்டோபர் மாதம் 18ஆம் தேதியிலிருந்து இரண்டு மாதத்திற்கு ஜாமக்கோள் பிரசன்ன வகுப்பு தொடங்க உள்ளது.
வகுப்பில் படிக்க ஆர்வம் உள்ளவர்கள் மேலே உள்ள வாட்ஸ் அப் நம்பரை தொடர்பு கொள்ளவும்.
மேலும் ஜாமக்கோள் புத்தகமும் மென்பொருளும் எங்களிடம் உள்ளது தேவைப்படுவோர் தொடர்பு கொள்ளலாம்.
மேலும் பல உதாரண பிரசன்னங்களை பார்க்க