இன்று முதல் ஓராண்டுக்கு குரு ரிஷப ராசியில் பயணிக்க போகிறார்

இது ஒரு வகை பொருளாதார மற்றும் உலகியல் நடப்பிற்கு ஒரு நன்மையான கிரக பெயிற்சி

குரு ரிஷப ராசியில் பயணிக்கும் போது தனக்கு திரிகோணத்தில் கேதுடன் தொடர்பு கொள்கிறார் .

இந்த ஆண்டு ஆண்டு ஜூலை 30ஆம் தேதி வரை குரு கேது இணைவு. மீண்டும் அக்டோபர் 23ஆம் தேதி வக்கிரமடைந்து திரும்பவும் திரிகோணத்தில் உள்ள கேதுவை தொடர்பு கொள்கிறார்.

இது ஒரு வகையான பங்கு வர்த்தகம் வங்கி மற்றும் ஒரு குறிப்பிட்ட நாட்டின் நிதி நிலைமைகள் பெரிய கார்ப்பரேட் நிறுவனங்கள் இந்த காலகட்டங்களில் தங்களது இயலாமையை வெளிப்படுத்துவது பொருளாதார சிக்கல்களை மற்றும் வழக்குகளை எதிர்கொள்வது போன்ற நிகழ்வுகள் நடக்கும். வங்கிகளிடமிருந்து கடுமையான சட்ட திட்டங்கள் மக்களுக்கு சிரமத்தை தரும்.

குரு நில ராசியில் இந்த பெயர்ச்சி முழுவதும் பயணிக்கப் போகிறார்

குரு நில ராசியில் பயணிப்பது மழை பெய்யும் வாய்ப்பு உண்டு மற்றும் விவசாயம் போன்ற காரியங்களில் மிக நன்றாக இருக்கும். மேலும் மழைப்பொழிவு ஓரளவு சிறந்ததாக இருக்கும்.

குரு கால புருஷனின் 2வாது வீட்டில் பயணம் செய்வதோடு 6வது வீட்டையும் 10வது வீட்டையும் தொடர்பு கொள்கிறார்

இது பொருளாதார மற்றும் நாட்டின் உற்பத்தி வளர்ச்சிகளுக்கு உதவக்கூடிய குரு பெயர்ச்சியாக இருக்கும்.

குரு சனிக்கு 4வது வீட்டில் பயணம் செய்கிறார்

சனிக்கு 4வது வீட்டில் குரு பெயர்ச்சி அடைந்திருக்கும் இந்த காலத்தில் உற்பத்தி சார்ந்த தொழில்கள் அதிக வெற்றியையும் ரியல் எஸ்டேட் துறைகள் சற்று முன்னேற்றத்தையும் விவசாயம் மற்றும் வாகன தொடர்புடைய விஷயங்களில் இந்த ஆண்டு சிறப்பி த்த வெற்றி தரும்.

குரு அக்டோபர் முதல் பிப்ரவரி மாதம் வரை ரிஷப ராசியில் வக்கிரம் அடைவார்

வக்கிரமடையும் இந்த காலகட்டத்தில் நிதி நிலைமைகள் பொருளாதாரச் சிக்கல்கள் வங்கி மற்றும் பெரிய நிறுவனங்கள் போன்ற செய்திகள் வரும்

மேஷ லக்னத்திற்கு 2வது வீட்டில் இருக்கிறார்

மேஷ ராசி மற்றும் மேஷ லக்னத்தில் பிறந்தவர்களுக்கு இந்த குரு பெயர்ச்சி நிச்சயம் நன்மையான பெயர்ச்சியாக இருக்கும் பொருளாதாரம் மற்றும் குடும்ப நலன்களில் அதிக முன்னேற்றங்கள் ஏற்படும்.

ரிஷப லக்கினத்திற்கு லக்னத்தில் இருக்கிறார்

ரிஷப லக்னம் மற்றும் ரிஷப ராசியினருக்கு இந்த குரு பெயர்ச்சி சற்று சுணக்கம் உடல் மற்றும் மன வேதனைகள் ஏற்படுத்தும். நாம் ஏற்கனவே செய்த தவற்றிற்கு இப்பொழுது சிறிய தண்டனைகள் பெறக்கூடிய காலமாகவும் இருக்கும்.

மிதுன லக்னத்திற்கு 12ல் இருக்கிறார்

மிதுன லக்னம் மற்றும் ராசிினருக்கு இந்த குரு பெயர்ச்சி வெளியூர் செல்வது இடம் மாற்றங்கள் தொழிற்சார்ந்த பகுதியில் நடப்பது புதிய முதலீடுகளை ஏற்படுத்துவது. மாறாத செலவினங்களை இந்த காலம் உருவாக்கும்.

கடக லக்னத்திற்கு 11-ல் இருக்கிறார்

கடக லக்னத்திற்கும் மற்றும் கடக ராசியினருக்கு இந்த குரு பெயர்ச்சி ஓரளவு பொருளாதார நன்மைகளையும் முன்னேற்றங்களையும் ஏற்படுத்தும் குழந்தைகளால் சிறிய மன உளைச்சல்கள் ஏற்படுத்தும்.

சிம்ம லக்னத்திற்கு 10ல் இருக்கிறார்

சிம்ம லக்கினத்திற்கு மற்றும் ராசியினருக்கு இந்த குரு பெயர்ச்சி பொருளாதாரம் மற்றும் தொழில் துறையினருக்கு இந்த ஆண்டு சற்று நல்ல மாற்றத்தையும். சரியான திட்டமிடுதலையும் ஏற்படுத்தும். (ஆனால் ராசிக்கு பத்தில் குரு வருவது தீமை என்ற ஒரு பழமொழி உள்ளது அது நமக்கு பொருந்தாது)

கன்னியா லக்னத்திற்கு 9ல் இருக்கிறது
கன்னியா லக்னத்தாருக்கும் மற்றும் கன்னி ராசியினருக்கு இந்த குரு பெயர்ச்சி பொருளாதார முன்னேற்றத்தையும் உடல் வளத்தையும் மற்றும் பாரம்பரிய சொத்துக்கள் குழந்தைகள் மூலம் நன்மைகள் போன்றவைகள் நடக்க வாய்ப்புண்டு.

துலா லக்னத்திற்கு 8ல் இருக்கிறார்

துலா லக்னத்திற்கும் மற்றும் ராசியினருக்கு இந்த குரு பெயர்ச்சி கடுமையான சூழலை ஏற்படுத்தும். மருத்துவ உபாதைகள் கடன் தொந்தரவுகள் மற்றும் தேவையற்ற பிரச்சனைகளில் ஏற்படுத்தும்.

விருச்சிக லக்னத்திற்கு 7ல் இருக்கிறார் .

விருச்சிக லக்னம் மற்றும் ராசியினருக்கு இந்த குரு பெயர்ச்சி நன்மையான பலன்களையும் திருமணம் புதிய உறவுகள் புதிய பார்ட்னர்கள் என்ற அடிப்படையில் சிறப்பான பலன்களையும் பொருளாதார வளங்களையும் தேடித் தரும்.

தனுசு லக்கினத்திற்கு 6ல் இருக்கிறார்

தனுசு லக்னம் மற்றும் ராசியினருக்கு இந்த குரு பெயர்ச்சி தொழிலில் முன்னேற்றத்தையும் தொழிலில் அதிக ஆர்டர்களையும் முன்னேற்றங்களையும் வளத்தையும் ஏற்படுத்தக்கூடிய காலகட்டமாக இருக்கும்.

மகர லக்கினத்திற்கு 5ல் இருக்கிறார்

மகர லக்னம் மற்றும் ராசியினருக்கு இந்த குரு பெயர்ச்சி மிகச் சிறப்பான குரு பெயர்ச்சியாக இருக்கும் குழந்தை மற்றும் பூர்வீகம் பாரம்பரிய உறவுகள் சார்ந்து நல்ல நிலையும் வெற்றியும் மகிழ்ச்சியும் புதிய வரவுகளையும் தேடித் தரும்.

கும்ப லக்னத்திற்கு 4ல் இருக்கிறது

கும்ப லக்னம் மற்றும் ராசியினருக்கு இந்த குரு பெயர்ச்சியில் இடம் நிலம் சொத்துக்கள் வீடு போன்ற சுப காரியங்கள் ஏற்படுத்துவதற்கும் விவசாயம் போன்ற சிறப்பான செயல்களை உருவாக்குவதற்கும் மிகச் சிறந்த காலமாக இருக்கும்.

மீனா லக்கினத்திற்கு 3ல் இருக்கிறார்

மீனா லக்னம் மற்றும் ராசிினருக்கு இந்த குரு பெயர்ச்சியில் திருமணம் சுப காரியம் ஏற்பட வாய்ப்பு உண்டு. தொழிலில் மாற்றங்களையும். ஏதாவது பொருள்களை விற்பனை செய்வதும் போன்ற செயல்கள் நடக்கும். பயணங்கள் மற்றும் மாற்றங்கள் உருவாகும்.

மேற் சொன்ன 12 இலக்கணம் போல 12 ராசிக்கும் எடுத்துக் கொள்ளவும் (இங்கு லக்னத்துக்கு சொன்ன பலன்கள் சரியான வழியாகவும் ராசிக்கு பல சொன்ன பலன்கள் பொதுப்பலன் மற்றும் தோராயமான பலன்களாக இருக்கும்)

மேலும் கிருத்திகை நட்சத்திரத்தில் ஜூன் 6 தேதிவரையிலும் ரோகிணியில் ஆகஸ்ட் 19ஆம் தேதி வரை மிருகசீரிஷத் நசத்திரத்தில் நவம்பர் 29 வரை இருப்பார்.

குரு பெயர்ச்சி ஆனவுடன் கிருத்திகை நட்சத்திரத்தில் பயணிக்கும் அதே காலத்தில் திரிகோணத்தில் கேதுவையும் தொடர்பு கொள்வதால் நாட்டில் அரசியல் அரசாங்கம் வழக்குகள் மற்றும் எதிரது தாக்குதல்கள் மக்களுக்கு அதிகமான நெருக்கடிகள் போன்ற செயல்கள் இந்த கிருத்திகை நட்சத்திரத்தில் பயணிக்கும் நிலை ஏற்படும்.

குரு ரோகிணி நட்சத்திரத்தில் பயணிக்கும் காலத்தில் சிறப்பான காலகட்டமாக இருக்கும் பயணங்கள் திட்டங்கள் போன்ற செயல்கள் நாட்டிற்கு சிறப்பாக இருக்க வாய்ப்புண்டு.

குரு மிருகசீரிஷ நட்சத்திரத்தில் பயணிக்கும் காலகட்டத்தில் ரியல் எஸ்டேட் மற்றும் பொருளாதார கட்டுமானம் எலக்ட்ரானிக்கல்ஸ் போன்ற துறைகள் சிறப்பானதாக இருக்கக் கூடிய வாய்ப்பு உண்டு.

இது உலகில் ஜோதிடத்திற்கு சொல்லப்பட்ட பலன்கள் அதேசமயம் குரு இந்த நட்சத்திரத்தில் பயணிக்கும் பொழுது ஒருவரது பிறப்பு ஜாதகத்தில் சூரியன் சந்திரன், செவ்வாய் எங்கு இருக்கிறாரோ அதை பொறுத்து அவருக்கு பலன்கள் நடைமுறைக்கு வரும்.

இது இல்லாமல் உண்மையான குரு பெயர்ச்சி பலன்கள் என்பது உங்களது பிறப்பு ஜாதகத்தில் ரிஷபம் மற்றும் மகரம் கன்னி விருச்சிகத்தில் எந்த கோள்கள் இருக்கிறதோ அதை பொறுத்து பலன்கள் நடைமுறைக்கு வரும் இது மிக துல்லியமான குரு பெயர்ச்சி பலன் ஆகவும் இருக்கும்.

Selvam Astrologer coimbatore
Gemini school of astrology
Call whatsup number 9842780218
www.selvamastrologer.com